नि:शब्द

IIT मधले शेवटचे काही दिवस...
निरोप घेताना मनात आलेल्या भावना टिपण्याचा एक प्रयत्न

आज या संध्याकाळी मी उभा इथे वळणावर
टाकतोय एक नजर या सरल्या वाटेवर

जुन्या आठवणींचा चित्रपट उभा एका डोळ्यासमोर
अन दुसरा डोळा डोकावतोय नव्या वाटांच्या क्षितिजावर

दोन डोळ्यांमध्ये मी हेलकावे घेतोय
एखाद्या लोलका सारखा
अन मागतोय शब्दांची साथ
जरा सावरण्यासाठी

पण...
आज शब्दही वाट हरवून बसलेत
मी झालोय पूर्णतः नि:शब्द

~ योगी...